творы:юрась-свірка:юрась-свірка-шчасце
Юрась Свірка — Шчасце
Пра шчасце ў дзяўчынкі спыталі.
Дзе шчасце, спыталі ў яе.
А шчасце – блакітная далеч.
А шчасце – што птушка пяе.
А шчасце – пабегчы сцяжынкай,
дзе сінню цвітуць васількі;
лічыць на далонях дажджынкі
і плесці над рэчкай вянкі.
А шчасце – з сябрамі на ўроку
адказ у задачы знайсці.
Дадому паспешлівым крокам
да роднай матулі ісці.
А шчасце – плыць ціха на лодцы
сярод беласнежных лілей.
А шчасце – у роднай старонцы,
якая за ўсё даражэй.
Падобныя старонкі
творы/юрась-свірка/юрась-свірка-шчасце.txt · Апошнія змены: 2025/08/23 16:04 — vedybeadmin