Да рук гарачых ліпне гліна,
здаецца, пальцы сочаць кроў…
А ён нагою зноў і зноў
ганяе ўвішны круг няўпынна.
І вырастае прыгажосць
у таямніцы рухаў-чараў,
нібы вяртае маладосць
майстэрства боскага ўладар –
Ганчар.
Напэўна, так калісьці Творца
на адзіноце сярод хмар,
натхнёны духам сваёй моцы,
ствараў Адама – сына мар,
не склаўшы рук да самай ночы,
як той Ганчар.

• алесь-салавей/алесь-салавей-рандо
• казімір-камейша/казімір-камейша-ганчары
• рандо
• міхась-кавыль/міхась-кавыль-рандо
• шчаслівая-раніца