Жанчына — сасуд без дна…
Дакладней — Сусвет сусветаў.
Сам Бог у яго віна
наліў, каб натхняць паэтаў.

Заблудзяцца ночы ў днях
у пошуках апахмелкі…
Жанчына — сасуд без дна
для тых, хто душой нямелкі.

Камусьці — фрагмент рабра,
узноўлены клон Адама…
А мне — акіян святла —
Каханая, Муза, Мама.

• віктар-карамазаў/віктар-карамазаў-жанчына-ў-чорным-і-афга
• сяргей-грахоўскі/сяргей-грахоўскі-плача-жанчына
• анатоль-вярцінскі/анатоль-вярцінскі-жаночая-гордасць
• янка-сіпакоў/янка-сіпакоў-жанчына
• генадзь-бураўкін/генадзь-бураўкін-жанчын-прыгожых-трэба-б