Я добрую кнігу
Як цуда люблю.
Яна асвятляе
Людзей і зямлю.

На кожнай старонцы
Адкрыю сакрэт.
Там ветразь пад сонцам,
Таемны сусвет.

З табою, кніга добрая,
Прыйшлі ў новы век.
Ты мудрая і шчодрая,
Як добры чалавек.

З табой пачынае
Дарогу герой,
Ён прагна чытае,
Сябруе з табой.

Душою прыгожы
Расце будаўнік –
I жыць ён не можа
Без песень і кніг.

Я добрую кнігу,
Як цуда люблю.
Яна асвятляе
Людзей і зямлю!

• па-матывах-твора
• мініяцюрная-кніга
• кніга-на-беларусі
• кнігі-дапамагаюць-падарожнічаць
• Іван Шамякін — Кнігі