Раней за ўсіх яна ўстае,
пазней за ўсіх кладзецца.
Яна жыве, яна пяе, –
і дзецям лепш пяецца.

Ты рос, як цёплы каласок,
пры месяцы і зорах
Пачуеш мілае «сынок»,
хоць будзе і за сорак…

За словам «маці» ў свет пайшлі
маленства,

мара,

мова.

I мір, і мужнасць па зямлі –
жыцця твайго асновы.

Каб не тужыла па начах, –
ёй падрастай на ўцеху!
Хай будзе ў матчыных вачах
пабольш іскрынак смеху!

Ты не шкадуй ласкавых слоў
для роднай, для адзінай.
Адказвай маці на любоў –
будзь верным, добрым сынам!

• сустрэча-з-маці
• на-скрыжаванні
• Янка Золак — Ода маці
• да-маці
• i-надыходзіць-дзень