Зямля з блакітнымі вачамі –
Раздолле рэчак і лугоў!
Тут называюць Васількамі
На Беларусі хлапчукоў,

Звіняць крыніцы, як цымбалы,
Сцяжынкі свецяць у лясах.
Палі, узгоркі, перавалы –
Прасторны шлях, далёкі шлях!

Краіна славы партызанскай,
Краіна міру і даброт!
Ты – наша гордасць,
Наша казка,
Як сонца, шчодры твой народ.

Твае сыны,
Твае унукі,
Мы любім гул тваіх бароў.
І рэкі цягнуцца, як рукі,
Да цёплых, верных рук сяброў.

1976 г.

• эдзі-агняцвет
• эдзі-агняцвет/эдзі-агняцвет-маме
• эдзі-агняцвет/эдзі-агняцвет-ціхі-вечар
• эдзі-агняцвет/эдзі-агняцвет-хто-пачынае-дзень
• эдзі-агняцвет/эдзі-агняцвет-саўка-за-сталом