Гэта старая версія дакумента!

Францішак Багушэвіч — Хмаркі

Хмаркі цёмныя, мае братанькі!
Вецер гоне вас без дарожанькі,
I нігдзе ж для вас няма хатанькі…
Адпачынеце аж у Божанькі!

Гдзе радзіліся, гдзе ж вы, хмарачкі,
Гдзе «тутэйшымі» называліся!
Леціцё усё, так як ярачкі…
Хоць бы трошкі гдзе затрымаліся!

Зямлі родненькай, знаць, няма у вас,
Ні вуголчыка, ні прытулачку.
А тут вецер дзьме горшы раз у раз,
Леціце жа вы без ратуначку!..

Летучы, слязой зямлю росіце,
Аж шумяць лісткі, зелянее лес;
Уміраючы, жыццё носіце,
Усяму жыццё, сабе толькі крэс!

Падобныя старонкі

францішак-багушэвіч/францішак-багушэвіч-ахвяра
францішак-багушэвіч/творчасць-францішка-багушэвіча
францішак-багушэвіч/францішак-багушэвіч-смык
францішак-багушэвіч/францішак-багушэвіч-бог-не-роўна-дзеле
францішак-багушэвіч/францішак-багушэвіч-гора