Восень прайшла пералескамі,
Па няголеным ржышчы ніў,
Чырвонымі арабескамі
Лісце лес ураніў.
Глянь на зямлю залатую,
Пяшчотную, сумную, чыстую,
Нехта па ёй вандруе,
Ў паветра ўзнімаючы лісце.
Струменьчыкам тонкім лісце.
Медзь на азёрах сплывае,
Сум у небе імглістым…
Як песня, з галін злятае
Лісце, лісце,
Залацістае лісце,
Сто лісцяў,
Дзесяць лісцяў,
Ліст.

• аркадзь-куляшоў/аркадзь-куляшоў-ліст-з-палону
• анатоль-грачанікаў/анатоль-грачанікаў-як-ападае-ліст
• еўдакія-лось/еўдакія-лось-мінулагодні-ліст
• уладзімір-караткевіч/уладзімір-караткевіч-лісце-каштанаў
• уладзімір-караткевіч/творчасць-уладзіміра-караткевіча