Жоўты лісцік тапаліны
Ціха падае з галіны;
I лісты, лісты наўкол
Апускаюцца на дол.

Высцілае лістапад
Сцежку ў наш дзіцячы сад.
Спрытна ходзяць ножкі
Сонечнай дарожкай.

Кожнай раніцай з ахвотай
Мы прыходзім на работу.
Ляльку трэба расчасаць
I кружочкі напісаць,

Збудаваць пясчаны дом,
З’есці кашу з малаком
I кату пачысціць боты.
Ой, як шмат у нас работы!

• эдзі-агняцвет/эдзі-агняцвет-беражы-зямлю-і-неба
• максім-танк/творы-максіма-танка-для-дзяцей
• артур-вольскі/артур-вольскі-дзеці
• пімен-панчанка/пімен-панчанка-дзеці-вайны
• слухайце-адзін-аднаго