Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Сяргей Грахоўскі — Дні
&keywords = дзень, чаму
&abstract = Чытаць верш Сяргея Грахоўскага "Дні"
&iftrue = nan
~~

====== Сяргей Грахоўскі — Дні ======
Калі душу азмрочыць цень\\
Ці смутак затуманіць вочы,\\
Шкадуем мы ўчарашні дзень,\\
Вядомы з раніцы да ночы.\\
\\
І цяжка зразумець, чаму\\
Мінулы цешыць, а не гэты,\\
Чаму улетку пра зіму,\\
А ўзімку думаем пра лета\\
\\
І спадзяемся кожны раз,\\
Што прыйдзе новы дзень, як свята,\\
Але усё часцей да нас\\
За стратаю прыходзіць страта.\\
\\
Мы смех і ранішні прамень\\
Цаніць адразу не умеем\\
І што шчаслівы сёння дзень –\\
Назаўтра толькі зразумеем.\\
\\
1970\\
\\


Крыніца: Грахоўскі С. Выбраныя творы. У 2-х т. Т. І. Вершы [Аўт. прадм. В. Вітка]. – Мн.: Маст. літ., 1983. – 382 с.