Я на елку палячу –
Ўсе галінкі палячу:
Дзюба ў мяне доўгая,
Буду стукаць доўга я.
Пазіраю я гады,
Як буяюць ягады:
З журавін зрабіў каралі –
Журавы мяне каралі,
А суніцы ледзь паспелі,
Іх дразды скляваць паспелі.
Я спалохаў іх як след,–
І прапаў адразу след.
Прахаплюся я са сну
І на елку ці сасну
Зноў на досвітку лячу –
Дрэва кожнае лячу.

1975

Крыніца: Грахоўскі С. Выбраныя творы. У 2-х т. Т. 2. Вершы, паэмы, казкі, пераклады.: Маст. літ., 1983. – 414 с.

• янка-брыль/птушкі-i-гнёзды-гнёзды-за-дымам-аповесць
• янка-брыль/раман-янкі-брыля-птушкі-і-гнёзды-вобраз-
• птушкі-шчасця
• янка-брыль/увесь-свет-адзін-дом-па-раману-янкі-брыл
• янка-брыль/птушкі-i-гнёзды-сцюдзёны-вырай-аповесць-