Песня маці чыёй балючэйшая,
Ці тваёй, ці маёй, пакутніцы?
Адкажы мне,
Галіна Бальчэўская.
Смутак мой ад мяне не адкупіцца.

Чыя каса
Бядой
Была?
Чыя краса
З вадой
Сплыла?

Ты — галінка абныла-крохкая
Дрэва наскага,
Дрэва песеннага.
Са жніва талака йшла —
З палёгкаю,
З ласкаю
Маладзік павесіла.

Табе знаёма
Журба
Вясла,
Дзе пакрыёма
Вярба
Расла.

Гора чула ты, ліха бачыла.
Каб зласліўцы твае адбрахаліся,
Сум спагодзіла песні матчынай
Галая на святло прагалінка.

• рыгор-барадулін/творчасць-рыгора-барадуліна
• рыгор-барадулін
• рыгор-барадулін/рыгор-барадулін-світанняў-я-з-табой-не-с
• рыгор-барадулін/дзіцячая-паэзія-рыгора-барадуліна
• рыгор-барадулін/рыгор-барадулін-уцякала-зіма-ад-вясны