Душа баліць
Зусім не так, як сэрца,
Той боль не ўтаймаваць нічым,
Няхай маўчым,
Няхай крычым –
Душу праверыць боль-зняверца.

Той светлы боль
Нічым не ашукаць:
Ні шэптам, ані гаманою,
Той боль
Не тушыцца маною,
Бо ўмее полымем шугаць.

А ў полымі бязлітасным згарыць
На прысак марната любая.
Душы, што боль упадабае,
Захочацца загаварыць
Як на духу
З другой пакутацерпцай,
Зноў боль адчуць,
Нібы спярша…

Пакуль баліць душа,
З надзеяй
Можа біцца сэрца.

• сяргей-грахоўскі/сяргей-грахоўскі-душа
• максім-гарэцкі/максім-гарэцкі-стогны-душы
• віктар-карамазаў/віктар-карамазаў-зачараваная-душа
• уладзімір-жылка/уладзімір-жылка-душа-мая-тужлівая
• алесь-бадак/алесь-бадак-душа