Веюць ласкай
Вятры заходнія.
На яблыні майскай
Шпак заходзіцца.
Сплылі, як крыўды,
Зялёныя крыгі.
Шпак з асалодаю
Сушыць крылы.
Вяз зацвітае
Цветам спалоханым.
Дом на ўсе дзверы
Уздыхнуў з палёгкаю.
Сцежка да кладак
Травой пазначана.
…Дзень добры,

мама!

Паклон,

Вушаччына…

• Творчасць Рыгора Барадуліна
• Рыгор Барадулін — Світанняў я з табой не сустракаў...
• Рыгор Барадулін — Уцякала зіма ад вясны...
• Дзіцячая паэзія Рыгора Барадуліна
• рыгор-барадулін