Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.
~~META:
title = Пімен Панчанка — Зварот
&keywords = &amp;nbsp, \r\n&amp;nbsp, панчанка, &amp;mdash, &amp;rarr, пімен, беларусь, \r\nя, сармацкае, \r\nтолькі, \r\nна, \r\nбуду, \r\ni, &amp;nbsp &amp;nbsp, пімен панчанка, &amp;rarr пімен, панчанка &amp;rarr, \r\n&amp;nbsp &amp;nbsp, беларусь \r\n&amp;nbsp, панчанка сармацкае, &amp;mdash \r\n&amp;nbsp, пімен панчанка сармацкае
&abstract = Чытаць верш Пімена Панчанкі "Зварот"
&iftrue = nan
~~

====== Пімен Панчанка — Зварот ======
Меднастволы, як выліты, высіцца бор,\\
Зацвітае на ўзлессі блакітны чабор,\\
Заглядзелася сонца у люстра азёр, —\\
Гэта ты, мая Беларусь!

Сіні ранак. Дзяўчына збіраецца жаць,\\
На плячы маладзік — серабрысты серп,\\
A наўкол наліўныя сады ляжаць,\\
Бурштыновыя яблыкі у расе, —\\
Гэта ты, мая Беларусь!

Я нямала прайшоў за вайну дарог,\\
А цябе такой непаўторнай збярог...\\
Бой мацнее!\\
Я хутка к табе прыйду,\\
Да грудзей набалелых тваіх прыпаду,\\
Пакланюся лясам і палеткам шырокім.\\
Толькі цяжка праходзіць апошнія крокі\\
Да цябе, мая Беларусь!

Толькі страшна мне думаць пра тую хвіліну,\\
Калі гляну у вочы я роднай краіне.\\
Буду хату шукаць, — а знайду руіны,\\
Буду маці гукаць, — адгукнецца магіла\\
На пагосце старым пад вярбою пахілай.\\
Што ж, якой ты ні будзеш —і ноччу, і раннем,\\
Я пазнаю цябе, я не здраджу табе.

Перанесла ты гора і катаванні\\
I зрабілася мне даражэй і радней.\\
Асушу твае слёзы,\\
Залячу твае раны,\\
Кожны ліст твой распраўлю рукою старанна.\\
Узніму з папялішчаў твае гарады я,\\
Насаджу каля вёсак сады маладыя,\\
Каб ты вечна цвіла\\
I у шчасці расла,\\
Дарагая мая Беларусь!

 


===== Падобныя старонкі =====
  * [[творы/пімен-панчанка/пімен-панчанка-сармацкае-кадзіла-гдз]]
  * [[творы/пімен-панчанка/духоўны-свет-лірычнага-героя-ў-паэзіі-пі]]
  * [[постаці/пімен-панчанка]]
  * [[творы/пімен-панчанка/пімен-панчанка-сармацкае-кадзіла]]
  * [[творы/пімен-панчанка/пімен-панчанка-вясёлай-маланкаю-ластаўка]]