Пасадзіў калісьці на світанку
Яблыньку малую каля ганку.
– Хай расце.

Працаваць мне хмара памагала –
Клапатліва глебу палівала.
– Хай расце.

Я і сонца ў зімнюю часінку
Сагравалі кволую сцяблінку.
– Хай расце.

Хутка я з кватэры пераеду.
А ўраджай знімаць майму суседу.
– Хай расце.

Пэўна, недзе ля другога дому
Садзіць дрэўца друг мой незнаёмы…
– Хай расце.

• эдзі-агняцвет/эдзі-агняцвет-яблыня
• саджанцы
• лясная-карміцелька
• яблынька-дзічка
• анатоль-вярцінскі/анатоль-вярцінскі-яблыня-ў-горадзе