Калі на сэрцы хмарна,
Калі ў душы зіма,
Не вохкай, дружа, марна
I не ўздыхай дарма.

Не зеляней ад злосці
У смутку і журбе –
Пакліч ты сонца ў госці,
Як друга да сябе.

Насустрач небасхілу
Далоні працягні –
I спусціцца свяціла
У дом твой з вышыні.

Дружы з блакітнай казкай,
Сябрам заўжды ў жыцці
I позіркам, і ласкай
Свяці, свяці, свяці!

• якуб-колас/якуб-колас-усход-сонца
• васіль-вітка/васіль-вітка-хто-памагае-сонцу
• сонца-не-стаіць-на-месцы
• гімн-жыццю
• эдзі-агняцвет/эдзі-агняцвет-галоўны-дворнік