Я – з грознай былі,
Я – з гнеўнай песні.
Я – хлопчык вечны,
Я – ваш равеснік.

Мяне таксама
Бацькі любілі,
Але чужынцы
Мяне забілі.

Ляцелі ў дыме,
Ляцелі ў гуле
Наперагонкі
Са мною кулі!

Хоць бег я хутка, –
Аж дых займала, –
Усё-ткі куля
Мяне дагнала…

Вам пакідаю
І ўзлёт, і песні
Я, вечны хлопчык,
Я, ваш равеснік.

• Янка Купала — Хлопчык і лётчык
• Клаўдзія Каліна — Хлопчык Пакідайчык
• Творчасць Петруся Макаля
• Авяр’ян Дзеружынскі — Бусел і хлопчык
• Уладзімір Дубоўка — Праўдзівы хлопчык