Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Пятрусь Броўка — Сляды
&keywords = след, колькі
&abstract = Чытаць верш Петруся Броўкі "Сляды"
&iftrue = nan
~~

====== Пятрусь Броўка — Сляды ======
Усё пакінуць след павінна,\\
Бо, як пачаўся белы свет,\\
Прамень,

пясчынка

і расіна

Нязменна пакідаюць след.\\
\\
I птушка песняю сваёю,\\
I кропля, што імкне да рэк...\\
А колькі,

колькі за табою

Слядоў на свеце, чалавек!\\
\\
Ва ўсім, што створана дагэтуль,\\
Твой творчы розум і рука –\\
След трактарыста,

след паэта,

Канструктара, будаўніка.\\
\\
Але часы сатруць у гневе –\\
Бо сэрцы не кране ані –\\
I надпіс

ножыкам на дрэве,

I фарбаю – на камяні.\\
\\
Вы выйшлі ўдалеч, маладыя,\\
Вам доўга крочыць праз гады.\\
Не забывайцеся ж,

якія

Вы пакідаеце сляды.

 


===== Падобныя старонкі =====
  * [[творы/пятрусь-броўка/пятрусь-броўка-кропля]]
  * [[творы/пятрусь-броўка/асноўныя-матывы-вобразы-і-мастацкія-асаб]]
  * [[творы/пятрусь-броўка/пятрусь-броўка-зямля-беларусі-урывак-з-п]]
  * [[творы/пятрусь-броўка/творчасць-петруся-броўкі]]
  * [[творы/пятрусь-броўка/пятрусь-броўка-кастусь-каліноўскі]]