Табе здаецца, незалежны ты,
Раз не са мной — недасягальны, значыць.
А я схілюся да рачной вады,
I ў ёй не мой, а твой адбітак бачу.

Табе здаецца, вольны ты казак,
Калі ў пачуццях гэткі асцярожны.
А варта мне адно слаўцо сказаць —
I ўздрыгнеш ты шчасліва і трывожна.

Калі чым насцярожыла, забудзь.
На незалежнасць я не пасягаю.
Мне б толькі твае вочы прысягалі,
А будзь такі, як ёсць. Ты толькі будзь!

• ніна-мацяш/ніна-мацяш-дажджынка
• ніна-мацяш/творчасць-ніны-мацяш
• анатоль-вялюгін/анатоль-вялюгін-на-плошчы-незалежнасці
• ніна-мацяш/ніна-мацяш-запозненаю-дзікаю-ажынай
• ніна-мацяш/ніна-мацяш-бязладная-размова