Я – беларус, я нарадзіўся
На гэтай казачнай зямлі,
Дзе між лясоў і пушчаў дзікіх
Адвеку прашчуры жылі.

Я – беларус, я ганаруся,
Што маю гэтае імя:
Аб добрай славе Беларусі
У свеце знаюць нездарма!

Я – беларус, і я шчаслівы,
Што маці мову мне дала,
Што родных песень пералівы
І зблізку чую, і здаля.

Я – беларус, і хоць сягоння
Яшчэ малы, але скажу:
Я родам з племя непакорных
І прад бядой не задрыжу!..

• Ніл Гілевіч — Лодачкі
• Ніл Гілевіч — Родныя дзеці. ГДЗ
• Матывы і вобразы паэзіі Ніла Гілевіча
• ніл-гілевіч
• Грамадзянская і медытатыўная лірыка Ніла Гілевіча