Дзецям будучай камуны
Сонца ясна шле прамень,
Песню славы граюць струны,
Іх вітае новы дзень.

Хто пажар затушыць ў свеце,
Што шугае да нябёс?
Толькі вы, камуны дзеці,
Вас чакае лепшы лёс.

Хто тварэц жыцця людскога,
Волі, шчасця, пекнаты?
Хто кладзе к жыццю дарогу?
Ведай, моладзь, гэта — ты!

1920

• міхась-чарот/міхась-чарот-звон
• міхась-чарот/міхась-чарот-вясенняя-раніца
• міхась-чарот/міхась-чарот-босыя-на-вогнішчы
• міхась-чарот
• міхась-чарот/міхась-чарот-песня-беларуса