Ты пайшла,
ты чамусьці пайшла,
і я
стаў калодзежам без вады,
стаў вясновым кустом без лісця,
але болей за ўсё
стаў падобны на клетку,
якую пакінула птушка…

Чую, у садзе чужым пяе,
бачу між дрэў залачоную клетку.

• міхась-стральцоў
• Міхась Стральцоў — Сена на асфальце
• Міхась Стральцоў — Адзін лапаць, адзін чунь
• Міхась Стральцоў — На чацвёртым годзе вайны
• Творчасць Міхася Стральцова