Я пісаў зямлі многа лістоў
Пяром, якім пішуць лірычныя песні,
Гімны розныя,

маніфесты;

Пісаў я смыкамі ўсіх скрыпак,
Якія смяюцца і плачуць;
Пісаў спіцамі дрогкіх калёс,
Якарамі і мачтамі караблёў,
Штыком

і сапёрнай

лапатай;

Пісаў кубкамі, з якіх п'юць
За здароўе і вечную памяць, –
Але пакуль што
Адказ атрымаў я
Толькі на ліст мой,
Напісаны плугам.
Вось ён.
Парэжце на скібы яго.
Частуйцеся.
Ешце.

1964 г.

• Давераснёўская творчасць Максіма Танка
• Матывы і вобразы паэзіі Максіма Танка
• Максім Танк — Люцыян Таполя. Ідэйны змест
• максім-танк
• Жыццё і творчасць Максіма Танка