Нечаканы, буйны, зразу,
Сек і ўпоперак і ўдоўж.
Па платах, па пералазах
Бег упарты, спорны дождж.

I рака дыхнула вольна
Паднялася, паплыла.
У дубоў па чорным голлі
Кроплі падалі з чала.

Заблішчала сіняй пражай
Маладая збажына.
Вось цяпер ніхто не скажа,
Што спазнілася вясна.

• максім-лужанін/максім-лужанін-чарнобыльскі-вецер
• максім-лужанін/максім-лужанін-смутная-радасць
• максім-лужанін/максім-лужанін-добры-хлопец-дзік
• максім-лужанін/максім-лужанін-снег-трэці-дзень
• максім-лужанін/максім-лужанін-беларускаму-народу