Пойдзем, дзеці, у лес вясновы,
нібы ў дом вясёлы, новы.
Толькі тым, хто ў казку верыць,
лес свае адчыніць дзверы.

Там пад дубам зайчаняткі
дружна робяць фіззарадку,
там ваўкі яшчэ ад рання
сена косяць на сняданне.

Там з імпэтам і запалам
лось іграе на цымбалах,
там мядзведзь каля балота
рамантуе буслу боты.

Песні там і смех усюды.
Але ведайце, што цуды
толькі тым вясна пакажа,
хто не скрыўдзіць і мурашкі,
хто з прыродаю сябруе,
птушак і звяроў шануе.

• чалавек-і-прырода
• якуб-колас/карціны-роднай-прыроды-ў-паэме-новая-зям
• зімовы-начлег
• крыштальны-звон-бяроз
• беражыце-прыроду