Гэта старая версія дакумента!

Ларыса Геніюш — Маю душу ў спакоі пакінь...

Маю душу ў спакоі пакінь,
дум крылатых не стаў на калені,
нат вачэй паднямонская сінь
пацямнела ў адчаі цярпенняў.

Не скрываю няспутаных дум,
узіраюся смела і проста,
сваёй сцежкай наперад іду —
Юдаў твар для мяне не сяброўства.

Мо замала вам грошай далі?
Што ж, прадаць вам другіх давядзецца.
Прыйдзе час, і на нашай зямлі
на пакутнай не будзе вам месца.

1942

Падобныя старонкі

ларыса-геніюш/ларыса-геніюш-вясковы-дом
ларыса-геніюш/ларыса-геніюш-зіма-мароз-кусаецца
ларыса-геніюш/ларыса-геніюш-зіма
ларыса-геніюш/ларыса-геніюш-аблокі
ларыса-геніюш/творчасць-ларысы-геніюш