Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Ларыса Геніюш — Беларусы ідуць, хлеб свой жытні нясуць...
&keywords = хлеб, соль, хлебам, сэрца, край, ручнік
&abstract = Чытаць верш Ларысы Геніюш "Беларусы ідуць, хлеб свой жытні нясуць..."
&iftrue = nan
~~

====== Ларыса Геніюш — Беларусы ідуць, хлеб свой жытні нясуць... ======
Беларусы ідуць, хлеб свой жытні нясуць,\\
на ручнік палажыўшы ўрачыста.\\
Хлеб – як сонца ў руках, бохан хлебам прапах,\\
а ручнік, як іх сэрца – прачысты.\\
\\
Хлеб і соль праз вякі, ўсклаўшы на ручнікі,\\
добрым людзям насустрач выносім.\\
Ўнукі сейбітаў мы, хлебаробаў сыны,\\
з працы мы, з чалавечых адносін.\\
\\
Яшчэ большы ёсць скарб – стары песенны Край,\\
наша мова, што сэрца кранае,\\
гэты голас зямлі мы ад продкаў ўзялі\\
і нашчадкам яго захаваем.\\
\\
Хлеб і соль, хлеб і соль праз цярпенні і боль\\
нёс народ наш рукамі ад плуга.\\
Тым, хто мову кране, нашу душу прыгне,\\
мы адплацім паводле заслугаў.\\
\\
Плуг ў музеі спачыў, сёння іншы пачын\\
Беларуса па свеце праславіў.\\
Ўмеем жыць і тварыць, ўмеем Край бараніць,\\
а сяброў стрэнем хлебам ласкава.

 


===== Падобныя старонкі =====
  * [[ibdc.ped>вытаптаны-хлеб]]
  * [[ibdc.ped>хлеб]]
  * [[ibdc.ped>хлеб-для-партызанаў]]
  * [[творы/янка-брыль/янка-брыль-сірочы-хлеб]]
  * [[ibdc.ped>хлеб-3612]]