Беларуская зіма –
Гэта цуд, паверце.
Прыгажэй нідзе няма
Аж на цэлым свеце.

Дрэвы – ў снежным серабры.
Хаты – ў шапках белых.
Лес – кашлаты і стары –
Быццам амярцвелы.

А як пройдуцца вятры
Па зямных прасторах –
Ты убачыш на двары
Мірыяды зорак.

Вока будуць чараваць
Светлячкі-сняжынкі.
Будуць лыжнікаў склікаць
Горкі і сцяжынкі.

• васіль-жуковіч/васіль-жуковіч-мароз
• цішка-гартны/цішка-гартны-зімовы-вечар
• ларыса-геніюш/ларыса-геніюш-на-каньках
• кастусь-жук/кастусь-жук-снежань
• зімой-у-лесе