Гэта старая версія дакумента!

Казімір Камейша — Сакавік

Сну зімовага даволі!
Свята ў сонца, паглядзі!
Моцна спалі лес і поле –
Сакавік іх разбудзіў.

А пасля падаўся полем
Да раскутае ракі,
Начапіў лазе на голле
Залатыя каташкі.

Капяжовы перазовы
Чуеш зблізку і здалёк.
Днём у следзе палазовым
Заіскрыўся ручаёк.

Распагоджаны аблокі,
Улагоджаная шыр.
Сакавік кляновым сокам
Заскакаў у гладышы.

Веснавых прыкмет багата.
Сакавік здзіўлёны сам.
А яшчэ прынёс ён свята,
Дарагое свята мам.

Падобныя старонкі

мікола-чарняўскі/мікола-чарняўскі-ёлка
васіль-жуковіч/васіль-жуковіч-калядная-вячэра
васіль-вітка/васіль-вітка-свята-настаўніцы
васіль-жуковіч/васіль-жуковіч-цудоўныя-святы
юрась-свірка/юрась-свірка-свята