Мой скарб мацней жыцця і смерці,
Бяссмертны ён у смертным сэрцы.

Мой скарб блішчыць – мой скарб багаты,
Даступны ўсім – ён не закляты.

Мой скарб – ад зор, мой скарб – ад неба,
Мой скарб – ад гор, мой скарб – ад глебы.

У глыбі вод, у шэптах бору,
У шоўку траў, у птушках хоры.

У серабры вільготных росаў,
У харастве дзявочых косаў,

У марах-снах, у тайных муках,
У гусляроў на струнных гуках.

• Змітрок Бядуля — Нібы рупны араты
• Змітрок Бядуля — На каляды к сыну
• Змітрок Бядуля — Маці
• Біяграфія Змітрака Бядулі
• Змітрок Бядуля — Велікодныя яйкі