Падаюць яблыкі –
Тупае восень па садзе.
Жоўтае лісце
Мяце на кляновай градзе.
А надвячоркам
На прызбе нячутна прысядзе
І залацісты праменьчык
Ля ног пакладзе.

Будзе пра лета мінулае
Думаць паціху.
Гляне спакойна
На познія кветкі ў вакне.
Здыме нязлосна
Са смуглай шчакі павуцінку
І гаркаваты начлежны дымок
Пракаўтне.

А як да цёплых сцяжынак
Падступяцца росы
І пахаваюцца
Змоўклыя птушкі ў гаях,
Пойдзе
Насустрач змярканню халоднаму
Восень – Можа, яшчэ не мая,
Хай бы яшчэ не мая…

• Алесь Гарун — Восень
• восеньскія-песні
• Ніна Мацяш — Восень
• Алесь Салавей — Восень
• Уладзімір Дубоўка — Залатая, асенняя раніца...