Жанчын прыгожых трэба берагчы
Ад пошласці, каварства і знявагі,
I ад мяшчанскай зайздрасці і звягі,
I ад залішняй ветласці і ўвагі,
I ад рукі нахабнай на плячы.

Яны прыйшлі на грэшную зямлю,
Як сны і летуценні залатыя,
Жаданыя і трошачкі святыя,
Нязнанага суладдзя панятыя, –
Святлом напоўніць вечнае «люблю».

Не дайце іх зняславіць і запляміць,
Не рвіцеся ўчыняць над імі суд.
Хай горда па жыцці яны нясуць
Вясны юначай радасную памяць,
Зачаравання невыказны цуд…

1985

• янка-сіпакоў/янка-сіпакоў-жанчына
• віктар-карамазаў/віктар-карамазаў-жанчына-ў-чорным-і-афга
• анатоль-вярцінскі/анатоль-вярцінскі-жаночая-гордасць
• эдуард-акулін/эдуард-акулін-жанчына
• сяргей-грахоўскі/сяргей-грахоўскі-плача-жанчына