Садзяць леснікі штогод
І дубкі, і хвойкі.
А хіба ж не лесавод
Весялуха-сойка?

Птушка чуе халады
І ў асенняй пушчы
То збірае жалуды,
То арэхі лушчыць.

Не спалохае зіма
Галадоўкай птушку:
На запас чаго няма
Ў сховах весялушкі.

Толькі вось бяда адна:
Сойка забывае
Тыя месцы, дзе яна
Свой запас хавае.

Дрэўцы вырастаюць там –
Ці дубок, ці хвойка.
Лес вырошчваць леснікам
Памагае сойка!

• сойка
• янка-брыль/увесь-свет-адзін-дом-па-раману-янкі-брыл
• янка-брыль/раман-янкі-брыля-птушкі-і-гнёзды-вобраз-
• пімен-панчанка/пімен-панчанка-крык-сойкі
• снегавыя-ванны