На поле лёг асенні роздум,
Смуга – на лес, лісток – на гаць.
Нам птушкі давяраюць гнёзды,
Калі ў субтропікі ляцяць.

Ляцяць над лугам і над нівай.
Ляцяць за шэры край нябёс.
I мы жадаем ім: «Шчасліва!»
I нам баліць птушыны лёс.

Крычаць над борам і над гаем.
Крычаць у скрусе і жальбе.
Калі мы гнёзды зберагаем,
То зберагаем і сябе.

Ляціце, мілыя, ляціце!
Пакуль давер ёсць на зямлі,
Жаўрук зазвоніць у блакіце
I зноў пратрубяць жураўлі.

• Птушкі i гнёзды. Гнёзды за дымам. Аповесць другая
• птушкі-шчасця
• птушкі-i-гнёзды-сцюдзёны-вырай-аповесць-
• Увесь свет — адзін дом (па раману Янкі Брыля "Птушкі i гнёзды")
• раман-янкі-брыля-птушкі-і-гнёзды-вобраз-