Бабуля дастала з сумкі вялікі аранжавы апельсін.
– Вось, вазьмі.
Пеця ўзяў і хацеў аддаць бабулі, каб яна падзяліла. А бабуля сказала:
– Апельсін твой, вось ты і дзялі.
Пеця і падзяліў на дзве няроўныя часткі. Бабуля – вялікая, ёй большую частку, Пеця – малы, яму меншую.
Елі апельсін і хвалілі. Пеця хутчэй з'еў. А бабуля ела няспешна і з'ела толькі дзве долькі.
– Я наелася ўжо, – сказала яна. – Можа, ты мне паможаш?
– Памагу, – з ахвотаю згадзіўся Пеця. – Давай! Я ж табе заўсёды дапамагаю.

• Васіль Хомчанка — Дзве Дашы
• Васіль Хомчанка — Янкава рукавічка
• Васіль Хомчанка — Звон пад зямлёй
• Васіль Хомчанка — Білеты у цырк
• Васіль Хомчанка — Яблык