творы:васіль-зуёнак:васіль-зуёнак-ручаёк
Гэта старая версія дакумента!
Васіль Зуёнак — Ручаёк
Ці ты зблізку, ці здалёк
Прыкаціўся, ручаёк?
Дзе ты быў і дзе ты жыў,
З кім гуляў і з кім дружыў?
Адказаў нам ручаёк:
– Я ні зблізку, ні здалёк –
Я з высокай хмаркі,
Што ляцела шпарка
Над палямі, над лясамі
І спынілася над вамі.
Вецер хмарку абярнуў –
Цёплы дожджык сыпануў!
За струменьчыкам струменьчык –
Дзе травінка, дзе каменьчык –
У абгонкі скок ды скок –
І радзіўся ручаёк.
Непаседа-весялун,
Гаманлівы булькатун –
Буду з вамі я гуляць,
Вам караблікі люляць!
Падобныя старонкі
творы/васіль-зуёнак/васіль-зуёнак-ручаёк.1755963703.txt.gz · Апошнія змены: 2025/08/23 15:41 — vedybeadmin