Наш аркестрык сямейны
ён крыху малаваты,
ды заўсёды надзейны:
мы усе з адной хаты.
Грае маміна скрыпка,
грае татаў баян.
І, вядома, не дрэмле
побач мой барабан.
Наш вясёлы аркестрык
дружны, хоць малаваты,
дырыжора-маэстра
не чакаем на святы.
Грае маміна скрыпка,
грае татаў баян.
Хто галоўны ў аркестры?
Можа, мой барабан?
Мы суседзям ігралі,
і суседзі сказалі,
што нам час падавацца
ды на сцэну палаца!
Грае маміна скрыпка,
грае татаў баян.
Хто галоўны ў аркестры?
Змоўкні ты, барабан!