Ёсць такое слова: «Трэба!»
Людзі з ім раслі заўжды.
Без яго – ну як без хлеба,
без паветра, без вады.

Трэба сеяць і ахоўваць,
здабываць і будаваць,
шанаваць, расціць, выхоўваць,
пра сваю краіну дбаць.

Ты расцеш. А час імчыцца.
Ад яго не адставай:
змалку ты любі вучыцца,
змалку веды здабывай!

Кім захочаш быць – тым будзеш,
і, не знаючы тугі,
будзеш ты карысны людзям
і Радзіме дарагі.

• слова
• Рыгор Крушына — Слова
• выдавецкая-справа
• Слова пра паход Ігаравы
• хто-ж-аўтар-слова-пра-паход-ігаравы