О, час канікулаў вясёлых,
о, хуткаплынны лета час,
бывай, бывай!
Дабрыдзень, школа!
Ці ты пазнала сёння нас?

Мы ўсе за лета загарэлі
і трошкі нават падраслі,
штодня марожанае елі,
і дзе мы толькі не былі!
І забаўлялі нас арэлі,
і выпрабоўвалі палі.

Нас сонца раненька будзіла,
з сабою дзень працоўны браў,
нам у сваёй старонцы мілай
хапала ўсім цікавых спраў.

Пара канікулаў вясёлых
прайшла імкліва,
і цяпер
сябры сышліся.
Зноўку, школа,
вітаем радасна цябе.

• вясковы-асветнік
• Кастусь Жук — Урок
• Авяр’ян Дзеружынскі — Хто вас у школу сабіраў?
• Мікола Чарняўскі — Пайшлі ад нас канікулы
• дарога-ў-школу