Што гэта: казка ці сон,
Ці лесу галасы?
Смычкоў суладны унісон
З размаху, наўскасы

Ударыў – і вясёлы дождж
За хмаркаю услед
Пабег, як хлопчык, басанож
У ясны, мілы свет,
Не разбіраючы дарог,
Да пушчы, нацянькі,
Дзе прабіваюць тоўсты мох
Грыбы баравікі,

Дзе сонца пырскае з суніц
І сонныя чмялі
За дзень ад паху медуніц,
Зусім абнемаглі,

Дзе ў пацерках густой расы,
Між цёплых баравін,
Нам песню дораць верасы
На дарагі ўспамін.

• максім-гарэцкі/максім-гарэцкі-у-панскім-лесе
• у-лесе
• якуб-колас/казкі-жыцця/якуб-колас-стары-лес
• рыгор-ігнаценка/рыгор-ігнаценка-вартавы-цішыні
• рыгор-ігнаценка/рыгор-ігнаценка-сон-у-лесе