Гэта старая версія дакумента!

Артур Вольскі — Першы званок

Абрывае восень
За лістком лісток.
Сёння роўна ў восем
Зазвініць званок.

Нам зусім не сумна
Хмарнаю парой,
Бо зляцеўся шумны
Наш вучнёўскі рой.

Раніцаю ў школу
Сыдземся мы зноў.
Колькі тут вясёлых
Жартаў і размоў!

Адплывае ў просінь
Лёгкі туманок.
Сёння роўна ў восем
Зазвініць званок.

Падобныя старонкі

дарога-ў-школу
кастусь-жук/кастусь-жук-урок
авяр-ян-дзеружынскі/авяр-ян-дзеружынскі-хто-вас-у-школу-сабі
мікола-чарняўскі/мікола-чарняўскі-пайшлі-ад-нас-канікулы
вясковы-асветнік