– Коцік, коцік,
дзе ты быў?
– Я ўсю ноч
мышэй лавіў.

– Коцік, коцік!
– Мяў, мяў, мяў…
– А ці многа
Ты спаймаў?

– Не спаймаў я
аніводнай
і цяпер
сяджу галодны…

– Коцік, коцік,
дзе ты быў?
– Я па беразе
хадзіў.

Сеў ціхутка
пад масток,
лавіў рыбку
за хвасток.

– Коцік, коцік!
– Мяў, мяў, мяў…
– А ці многа
ты спаймаў?

– Не спаймаў я
аніводнай
і цяпер
сяджу галодны…

– Ах, гультай
і абібок!
Ты ўсё выдумаў знарок.

І мышэй
ты не лавіў,
і на рэчку
не хадзіў.

А прачнуўся
на світанку
і злізаў
усю смятанку!

• Янка Журба — Коцік
• Якуб Колас — Юрка і кот
• Віктар Гардзей — Коцік
• Максім Танк — Бабка і кот
• сучасная-казка-пра-бясстрашнае-кацяня