Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Аркадзь Куляшоў — Сасна і бяроза
&keywords = сасна, бяроза, зямлю
&abstract = Чытаць верш Аркадзя Куляшова "Сасна і бяроза"
&iftrue = nan
~~

====== Аркадзь Куляшоў — Сасна і бяроза ======
Трымаюць Зямлю без падважнікаў тых,\\
Без мудрага троса,\\
Жывымі рукамі карэнняў сваіх\\
Сасна і бяроза.\\
\\
Ад дыму да пары ў пякельных катлах\\
Судна, паравоза\\
Прайшлі яны поруч гарачы свой шлях –\\
Сасна і бяроза.\\
\\
Лягла на іх плечы цяжарам вайны\\
Акопная проза:\\
Служыла салдатам сасна – для труны,\\
Для крыжа – бяроза.\\
\\
Знікала з тузоў, гандляваўшых крывёй,\\
Пыхлівая поза,\\
Калі перад імі ўставалі з пятлёй\\
Сасна і бяроза.\\
\\
Ад явы крывавай не вынайшлі лек...\\
І ўзнікла пагроза,\\
Што могуць пад крыжам закончыць свой век\\
Сасна і бяроза.\\
\\
Ужо на насенне, якое ў раллі,\\
Паглядваюць коса\\
Аратыя смерці, каб больш не раслі\\
Сасна і бяроза.\\
\\
Над імі ракетны ўзрываецца гук\\
І гул бамбавоза...\\
А што, як Зямлю нашу выпусцяць з рук\\
Сасна і бяроза?

 


===== Падобныя старонкі =====
  * [[творы/янка-сіпакоў/янка-сіпакоў-танец-соснаў]]
  * [[творы/анатоль-бутэвіч/анатоль-бутэвіч-як-сасна-з-бярозай-пасяб]]
  * [[ibdc.ped>сасна-пры-дарозе]]
  * [[ibdc.ped>сасна]]
  * [[творы/іван-навуменка/іван-навуменка-сасна-пры-дарозе]]