Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.
~~META:
title = Аркадзь Куляшоў — Крылы
&keywords = крылы, ляцяць, глядзелі, жорава, зямля, ляці, юнацтва, магілы
&abstract = Верш Аркадзя Куляшова "Крылы"
&iftrue = nan
~~

====== Аркадзь Куляшоў — Крылы ======
Я пакідаў маленства край,\\
Дзе жыў жыццём вясёлым,\\
Прыйшла і мне чарга бывай\\
Сказаць лясам і долам.\\
\\
Глядзелі зоры на мяне\\
Здалёк, як на другога,\\
Нібы за жорава мяне\\
Лічылі маладога.\\
\\
Глядзелі з вокнаў аганькі\\
Мне ўслед з трывогай шчырай,\\
Нібы ў далёкі і цяжкі\\
Я падымаўся вырай.\\
\\
Зямля шаптала мне – ляці,\\
Спяшайся, жораў ранні,\\
Цябе чакаюць у жыцці\\
Усе выпрабаванні.\\
\\
Яны стаяць за радам рад:\\
З крыві, агню, з жалеза.\\
Ляці! Няма шляхоў назад\\
Да салаўёў і бэза.\\
\\
Адчуў я прагу вышыні,\\
Зямля дала мне сілы,\\
Мяне ўзнялі юнацтва дні –\\
Майго адлёту крылы.\\
\\
Свіст кулі чуў я на вайне,\\
Штык не здымаў з вінтоўкі.\\
Там, нібы з жорава, з мяне\\
Ляцела пер’е толькі.\\
\\
Дзе ні праехаць, ні прайсці –\\
Я поўз, я лез, упарты.\\
Я не шкадую! Дзесяці\\
Не бітых біты варты.\\
\\
Каб нават я забіты лёг\\
На дно сырой магілы,\\
Скарыцца б і тады не змог,\\
Свае не склаў бы крылы.\\
\\
Я б зажадаў яшчэ зазнаць\\
Адно выпрабаванне –\\
З магілы ўстаць, хоць цяжка ўстаць,\\
Каб зноў убачыць ранне.\\
\\
Адмыў бы я імглу з вачэй\\
У ручаі самохаць,\\
Зямлю атрос бы, каб людзей\\
Зямлёю не палохаць.\\
\\
Рвануўся б з месца, каб набраць\\
Паветра ў грудзі й жылы.\\
...Няхай ляцяць, ляцяць, ляцяць\\
Майго юнацтва крылы!\\
\\
1945

 


===== Падобныя старонкі =====
  * [[творы/аркадзь-куляшоў/аркадзь-куляшоў-xамуціус]]
  * [[постаці/аркадзь-куляшоў]]
  * [[творы/аркадзь-куляшоў/аркадзь-куляшоў-балада-аб-чатырох-заложн]]
  * [[творы/аркадзь-куляшоў/паэзія-аркадзя-куляшова-яе-тэматыка-грам]]
  * [[творы/аркадзь-куляшоў/аркадзь-куляшоў-варшаўскі-шлях]]