У зімовым лесе
Снежна, снежна, снежна.
Сарокам няўежна,
А зайцам няўлежна –

Сонца іх не грэе,
Вецер іх марозіць,
Аднаму мядзведзю
Цёпла у бярлозе.

У зімовым лесе
Іней, іней, іней
На сасонках сініх,
На старых асінах,

Ён сядае нават
Срэбнай павуцінай,
Калі лось задрэмле,
На рагах ласіных…

У зімовым лесе
Ціха, ціха, ціха,
Зрэдку мітуснецца
Ў голлі снегірыха,

Войкне, баючыся,
Што знячэўку спевам
Інею карункі
Ацярушыць дрэвам.

• алег-лойка/алег-лойка-над-шчарай
• алег-лойка/алег-лойка-сівы-конік
• алег-лойка/алег-лойка-верабейчык-верабей
• алег-лойка/алег-лойка-радзіме
• алег-лойка/алег-лойка-скачуць-скачуць-жарабяткі