Гэта старая версія дакумента!

Алег Лойка — Суніцы

Суніц у зялёнай
Дуброве нямала.
Там з мамаю Тоня
Суніцы збірала.

Дала мама Тоні
Маленькі збаночак.
Ды Тоня ў збаночак
Суніц браць не хоча.

– Ой, мама, пакіньма
Суніц хаця крышку
Вавёрцы, зязюльцы,
Камарыкам, мышкам;

А мо і мядзведзіха
З дзецьмі таксама
Захоча суніцаў,
Як Тонечка з мамай.

Дык чым жа сунічнік
Гасцей пачастуе,
Калі ўсе суніцы
Ў збаночак збяру я?!

Падобныя старонкі

уладзімір-ягоўдзік/уладзімір-ягоўдзік-суніцы
сяргей-грахоўскі/сяргей-грахоўскі-сунічкі
аляксей-якімовіч/аляксей-якімовіч-падзяка
казімір-камейша/казімір-камейша-суніцы
суніцы