Дзякуй табе, браце, Бурачок Мацею,
За тое, што ў сэрцы збудзіў ты надзею,
Што між братоў нашых знаходзяцца людзі
З кахаючым сэрцам і баляшчай грудзяй.
Дзякуй табе, браце, і за тыя словы,
Што ўспомнілі звукі нашай роднай мовы.
Бяры, браце, дудку, наладзь і жалейку,
Няхай песнь смутная ідзе ў калейку
I будзіць у сэрцаў мысль аб лепшай долі,
Якой мы не зналі дагэтуль ніколі.

• адам-гурыновіч/адам-гурыновіч-што-ты-спіш-мужычок
• адам-гурыновіч/адам-гурыновіч-лірыка
• адам-гурыновіч/адам-гурыновіч-што-за-звук-ды-так-громка
• адам-гурыновіч
• адам-гурыновіч/творчасць-адама-гурыновіча