Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.
~~META:
title = Біяграфія Артура Вольскага
&keywords = годзе, артур, вярхоўнага, граматай, вітальевіч, савета, вольскі, працаваў
&abstract = Коратка аб жыцці і творчасці Артура Вольскага
&iftrue = nan
~~

====== Артур Вольскі ======
{{/images/artur-volski.jpg?132x207|Артур Вольскі}}

Артур Вольскі (Артур Вітальевіч Зэйдэль-Вольскі) нарадзіўся 23 верасня 1924 года ў горадзе Дзяржынску Мінскай вобласці. Маці яго была артысткай. Бацька, [[постаці/віталь-вольскі|Віталь Фрыдрыхавіч Вольскі]] – пагранічнік, а потым вядомы беларускі драматург, празаік, вучоны, аўтар праслаўленай камедыі "[[творы/віталь-вольскі/віталь-вольскі-несцерка|Несцерка]]", які паходзіў з інтэлігентнай пецярбургскай сям'і.\\
Вучыўся Артур Вітальевіч у 25-ай мінскай узорнай чыгуначнай беларускай школе імя Чарвякова. Пасля сёмага класа паступіў у Віцебскае мастацкае вучылішча, але вайна перапыніла навучанне. Ён эвакуіраваўся ва Уральск, дзе працаваў мастаком у тэатры імя Я. Коласа.\\
У 1942 годзе быў прызваны з Уральска ў войска. Служыў на флоце на Далёкім Усходзе. Удзельнічаў у баях супраць імперыялістычнай Японіі. Быў боцманам, мінёрам, ваенным журналістам. Пасля дэмабілізацыі ў 1952 годзе Артур Вітальевіч працаваў у рэдакцыі газеты "Чырвоная змена" загадчыкам аддзела культуры і быту, адказным сакратаром часопісаў "Бярозка" і "Вясёлка". Скончыў Вышэйшыя літаратурныя курсы ў Маскве (1962). 3 1963 года – загадчык літаратурнай часткі, а потым дырэктар Беларускага тэатра юнага гледача. У 1978-1979 гг. – дырэктар Дома літаратара Саюза пісьменнікаў Беларусі. З 1981 па 1984 г. працаваў рэдактарам у выдавецтве "Юнацтва".\\
Першы літаратурны двор надрукаваў у 1936 годзе. У 1958 годзе выйшаў першы паэтычны зборнік Артура Вольскага "Водбліскі далёкіх маякоў" і кніжка вершаў для дзяцей "Дзедаў госць". Ён выступаў і як перакладчык твораў рускіх, літоўскіх, латышскіх і ўкраінскіх паэтаў.\\
Адзін з заснавальнікаў часопіса "Вясёлка" і стваральнік падручніка беларускай мовы "Беларусачка". Узнагароджаны ордэнамі "Знак пашаны", Айчыннай вайны 2-ой ступені, медалямі, Ганаровай граматай Вярхоўнага Савета БССР, Граматай Вярхоўнага Савета БССР, Ганаровай граматай Вярхоўнага Савета Малдаўскай ССР. Памёр пісьменнік у 2002 годзе ў Мінску.

 


===== Падобныя старонкі =====
  * [[постаці/віталь-вольскі]]
  * [[творы/артур-вольскі/артур-вольскі-вожык-дзівачок]]
  * [[творы/артур-вольскі/артур-вольскі-пагоня]]
  * [[творы/артур-вольскі/артур-вольскі-коцік]]
  * [[творы/віталь-вольскі/віталь-вольскі-несцерка]]