~~META:
title = Яўген Крупенька — На рыбалку кот прыйшоў
&keywords = кот, рыба
&abstract = Верш Яўгена Крупенькі "На рыбалку кот прыйшоў"
&iftrue = nan
~~

====== Яўген Крупенька — На рыбалку кот прыйшоў ======
//(па народных матывах )//

Адшукаў лапату кот\\
І пайшоў на агарод.\\
Як сапраўдны рыбалоў\\
Накапаў там чарвякоў.\\
Прыхапіў вядро,\\
Запалкі\\
І пакрочыў\\
На рыбалку.\\
Будзе рыбу кот лавіць,\\
Будзе юшку кот варыць.\\
Сеў на беразе ракі.\\
У здзіўленні рыбакі:\\
– Як без вуды будзеш\\
Ты, брат, рыбу вудзіць?\\
– А навошта вуда тая,\\
Калі хвост я доўгі маю?\\
Начаплю\\
Чарвяка\\
І злаўлю\\
Шчупака!\\
У цянёчку\\
Пад кустом\\
Вудзіў Рыбу\\
Кот\\
Хвастом.\\
Позна вечарам дамоў\\
Крочыў сумны рабалоў.

 


===== Падобныя старонкі =====
  * [[ibdc.ped>на-рыбалцы]]
  * [[творы/яўген-крупенька/яўген-крупенька-ёсць-у-кожнага-з-нас]]
  * [[творы/яўген-крупенька/яўген-крупенька-алёнка]]
  * [[творы/якуб-колас/якуб-колас-рыбакі]]
  * [[творы/яўген-крупенька/яўген-крупенька-мама-хлеб-дзяліла]]